راہل گاندھی سے معافی کا مطالبہ

ریاست اترپردیش کے ضلع میرٹھ میں کلکٹریٹ دفتر پر بی جے پی کے سیکڑوں کارکنان نے راہل گاندھی کے خلاف احتجاجی مظاہرہ کرتے ہوئے عوام سے معافی مانگنے کا مطالبہ کیا گیا۔

ریاست اترپردیش کے ضلع میرٹھ میں کلکٹریٹ دفتر پر بی جے پی کے سیکڑوں کارکنان نے راہل گاندھی کے خلاف احتجاجی مظاہرہ کرتے ہوئے عوام سے معافی مانگنے کا مطالبہ کیا۔

بی جے پی کے ضلعی صدر مکیش سنگل نے کہا کہ عدالت عظمیٰ نے رافیل معاملے پر فیصلہ سنایا ہے جس پر راہل گاندھی نے عدالت میں معافی مانگی ہے اب راہل گاندھی کو ملک کے عوام کے سامنے معافی مانگنی چاہیے۔

انہوں نے مزید کہا کہ رافیل معاملے پر انتخابات کے وقت راہل گاندھی نے جھوٹ بول کر کے بی جے پی کو بدنام کرنے کی کوشش کی تھی جس پر عدالت میں عرضی داخل کی گئی عدالت میں فیصلہ میں بی جے پی کے حق میں آیا اس پر کانگریس پارٹی کے کارکنان کو اپنی جھوٹ پر شرمندگی کا احساس کرنا چاہیے اور راہل گاندھی کو کو عوام سے معافی مانگنی چاہیے۔

واضح رہے کہ چیف جسٹس رنجن گوگوئی، جسٹس سنجے کشن کول اور جسٹس کے ایم جوزف کی بنچ نے مرکزی حکومت کو کلین چٹ دینے کے اپنے فیصلہ کے خلاف دائر تمام نظر ثانی عرضیاں مسترد کر دیں تھی۔

قابل غور ہے کہ عدالت عظمیٰ نے گزشتہ سال 14 دسمبر کو اپنا فیصلہ سنایا تھا اور رافیل معاہدہ کی آزادانہ تحقیقات کرانے کے مطالبہ کو مسترد کردیا تھا۔

سابق مرکزی وزیر یشونت سنہا اور ارون شوری اور سینیئر وکیل پرشانت بھوشن سمیت کچھ دیگر نے فیصلہ پر نظر ثانی کے لیے عرضیاں دائر کی تھی۔

بنچ نے سیاسی طور پر حساس ان نظر ثانی درخواستوں پر 10 مئی کو سماعت مکمل کی تھی اور فیصلہ محفوظ رکھ لیا تھا۔بنچ کی جانب سے جسٹس کول نے فیصلہ پڑھا تھا۔