کسانوں کی حمایت میں اب سیاسی جماعتیں بھی پیش پیش

پرگتی شیل سماجوادی پارٹی کارکنان نے ضلع کلکٹریٹ کے باہر زرعی قوانین کے خلاف احتجاجی مظاہرہ کیا، کارکنان نے کسانوں کی حمایت کرتے ہوئے' کسانوں کی سمان میں نکل پڑے میدان میں' جیسے نعرے بلند کیے۔

مرکزی حکومت کے ذریعے لائے گئے زرعی قوانین کی مخالفت کرتے ہوئے ریاست اترپردیش کے ضلع میرٹھ میں پرگتی شیل سماجوادی پارٹی کارکنان نے ضلع کلکٹریٹ کے باہر احتجاجی مظاہرہ کیا۔ پی ایس پی کارکنان کا کہنا تھا کہ جب تک حکومت اس کالے قانون کو واپس نہیں لیتی تب تک ان کا احتجاج جاری رہے گا۔

زرعی قوانین کے خلاف ایک جانب جہاں دہلی میں ہریانہ وپنجاب سمیت دیر ریاستوں کے کسانوں کا احتجاج جاری ہے، وہیں ان کسانوں کی حمایت میں اب مختلف سیاسی جماعتیں بھی سامنے آرہی ہیں۔

کسانوں کی حمایت میں اب سیاسی جماعتیں بھی پیش پیش

ان پارٹی کارکنان کا کہنا ہے کہ حکومت کسانوں کی فکر کے بجائے دوسرے فضول کے کاموں میں لگی ہوئی ہے۔حکومت کو کسانوں کی فکر نہیں ہے ایسے میں حکومت کو جگانے کے لیے اور زرعی قانون کے خلاف جاری مہم کو مزید مضبوطی دینے کے لیے ان کو آگے آنا پڑ رہا ہے۔

کسانوں کی حمایت میں اب سیاسی جماعتیں بھی سامنے آرہی ہیں

ان کا یہ بھی کہنا ہے کہ اگر حکومت ان کے مطالبات کو نہیں مانتی ہے تو کل سے ہزاروں کی تعداد میں پرگتی شیل سماجوادی پارٹی کارکنان دہلی کے لیے روانا ہوں گے۔

زرعی قانون کے خلاف دہلی میں جاری کسانوں کے احتجاج کو اب مختلف سیاسی جماعتوں کے ساتھ آنے سے ایک بات تو صاف ہے کہ حکومت اور ملک کے کسان کے مابین اس لڑائی میں دیگر عوام کو کافی مشکلات کا سامنا درپیش ہے۔