کورونا وائرس بنا عمرہ زائرین کی پریشانی

سعودی حکومت کے فیصلے کے بعد دو روز قبل میرٹھ سے عمرہ سفر پر گئے ایک قافلے میں شامل زائرین کے اہل خانہ بھی پریشان ہوئے اور اب آئندہ تاریخوں میں جانے والے قافلے کے منتظمین اور زائرین بھی پریشان ہیں۔

چین میں پھیلا كورونا وائرس اب عالمی سطح پر بھی لوگوں کے لیے پریشانی کا سبب بنتا جا رہا ہے۔ اس کے خطرہ كو دیکھتے ہوئے سعودی حکومت نے عمرہ زائرين پر پابندی لگائی ہے۔

کورونا وائرس کا خطرہ محض چین تک محدود نہیں بلکہ یہ عالمی سطح پر بھی اس وائرس کا خطرہ بنا ہوا ہے۔ كورونا وائرس کے خطرے کو دیکھتے ہوئے مغربی ایشیائی ممالک سے سفر کرنے والوں پر نگرانی رکھی جا رہی ہے۔

وائرس کے اس خطرے سے بچنے کے لیے سعودی عرب نے اب خاص طور پر مغربی ایشیائی ممالک سے آنے والے عمرہ زائرین پر پابندی لگا دی ہے۔ سعودی عرب میں داخل ہونے پر لگی اس پابندی سے ہندوستان کے عمرہ زائرین پر بھی اثر پڑا ہے۔

سعودی حکومت کے اس فیصلے کے بعد دو روز قبل میرٹھ سے عمرہ سفر پر گئے ایک قافلے میں شامل زائرین کے اہل خانہ بھی پریشان ہوئے اور اب آئندہ تاریخوں میں جانے والے قافلے کے منتظمین اور زائرین بھی پریشان ہیں۔

عمرہ پر جانے والے زائر ين کے اہل خانہ کا ماننا ہے کہ سعودی حکومت کو اگر اس طرح کے اقدامات اٹھانے تھے تو اس کی جانکاری ويزا سے قبل دی جانی چاہیے تھی۔

ان کا مزيد کہنا ہے کہ ہمارے ملک میں اس وائرس سے ابھی تک کوی بھی افراد متاثر نہیں ہوا ہے۔ تو پھر عمرہ زائرين پر پابندی کیوں؟