میرٹھ کی سماجی تنظیم نے کسانوں کے لئے میڈیکل کیمپ کا انعقاد کیا

54 روز سے نئے زراعتی قوانین کے خلاف دہلی بارڈر پر کسانوں کا احتجاج مسلسل جاری ہے۔ کسان تحریک سے جڑے ہزاروں کسانوں کی صحت کو دیکھتے ہوئے میرٹھ کی سماجی تنظیم گنگا جل برادری کے زمہ داروں نے دوائیاں بھیجی اور ان کے علاج کے لئے میڈیکل کیمپ کا اہتمام کیا۔

زرعی قوانین کے خلاف کسان تحریک میں ہزاروں کسانوں کی صحت کا خیال رکھتے ہوئے میرٹھ کی سماجی تنظیم گنگا جل برادری کے ذمہ داروں کی جانب سے دہلی باڈر پر کسانوں کو دوائیاں فراہم کرنے کے ساتھ ایک میڈیکل کیمپ کا بھی اہتمام کیا گیا جس میں کسانوں کو بہتر علاج کے ساتھ ان کی مدد کر تحریک کا حصہ بننے کا اعلان تنظیم نے کیا۔

واضح ہو کہ نئے زرعی قوانین کے خلاف کسانوں کی جانب سے چلائی جا رہی تحریک میں جہاں کسان اپنے گھر اور اہل خانہ سے دور شدید سردی میں احتجاج کر رہے ہیں وہیں مہم میں شامل لوگوں کے علاج کے ذریعے ان کے ساتھ مہم کا حصہ بن کر گنگا جل برادری کے کارکنان فخر محسوس کر رہے ہیں۔