ایس ڈی اسکول بلڈنگ کا افتتاح

یادگیر کے امبیڈکر نگر میں بچوں کی بہتر تعلیم کے لئے اسکول کی عمارت تیار کی جا رہی ہے۔

کرناٹک کے ضلع یادگیر کے امبیڈکر نگر میں شری درگا دیوی ایجوکیشنل اینڈ رولر ڈیولپمنٹ ٹرسٹ یادگیر کی جانب سے چلائے جا رہے انگریزی میڈیم کے نرسری اور پرائمری اسکول بلڈنگ کا سوامی شانت ویر گرمٹکل کے ہاتھوں افتتاح عمل میں آیا۔

اس موقع پر سوامی شانت ویر نے کہا کہ علم ایک ایسا خزانہ ہے، ایک ایسی دولت ہے جس کو کوئی چورا نہیں سکتا ہے۔ اس لیے میں والدین سے اپیل کرتا ہوں کہ اپنے بچوں کو علم کے زیور سے آراستہ کریں۔

انہوں نے کہا کہ یہ وہ دولت ہے جو آپ کے بچوں کو ہمیشہ یعنی مرتے دم تک اس کے ساتھ رہے گی۔ اس موقع پر ایس ڈی اسکول کے صدر درگپا نے کہا کہ انگلش میڈیم اسکول شروع کرنے کی واحد وجہ یہ ہے کہ تعلیم کو عام کیا جائے۔ خاص کر بچوں میں انگریزی بول چال میں دلچسپی پیدا ہو تاکہ انھیں آگے چل کر عملی زندگی میں دشواری نہ ہو۔ اس موقع پر تعلیم سے جڑی دیگر شخصیتوں نے شرکت کی۔