کرناٹک: شہر بیجاپور کا گول گنبد خاص کیوں؟

ریاست کرناٹک کے شہر بیجاپور میں واقع گول گنبد بھارت کا پہلا اور دنیا کا دوسرا سب سے بڑا گنبد مانا جاتا ہے۔

کرناٹک کے تاریخی شہر بیجاپور میں واقع گول گنبد اس لیے اہمیت کا حامل ہے کہ یہ گنبد کے اعتبار سے بھارت کا سب سے بڑا گنبد ہے اور دنیا کا دوسرا سب سے بڑا گنبد ہے۔

اس تاریخی ساز گول گنبد کو تعمیر ہونے میں 30 برس سے بھی زائد کا عرصہ لگا۔ڈاکٹر علیم اللہ حسینی پروفیسر انجمن ڈگری کالج نے اس تاریخ ساز گول گنبد سے متعلق بتاتے ہوئے کہا کہ 'گول گنبد کو دیکھنے کے لیے نہ صرف ہندوستان بلکہ آسٹریلیا، انگلینڈ جیسے ممالک سے بھی لوگ اس شہر بیجاپور کو آتے ہیں۔' سیاح اس تاریخ ساز عمارت کو دیکھتے ہیں اور اس پر کتابیں بھی تحریر کرتے ہیں جس کی وجہ سے بھارت کی ریاست کرناٹک میں شہر بیجاپور پوری دنیا میں اہمیت کا حامل ہے۔

واضح رہے کہ سلطان محمد عادل شاہ نے 1626 میں اس کا سنگ بنیاد رکھا اور 1656 میں اس گول گنبد کا کام مکمل ہوا۔