Yogi's Look A Like Contesting UP Polls: یوگی آدیتہ ناتھ کا ہم شکل نیرج رام نگر سے انتخابی میدان میں

بارہ بنکی ضلع کے رام نگر اسمبلی حلقہ سے وزیر اعلی یوگی آدیتہ ناتھ کے ہم شکل نیرج شرما انتخابی میدان میں قسمت آزما رہے ہیں Yogi's Look A Like Contesting UP Polls۔

بارہ بنکی:اترپردیش میں ان دنوں سیاسی ماحول اپنے عروج پر ہے۔ بارہ بنکی میں وزیر اعلی یوگی آدیتہ ناتھ کے ہم شکل نیرج شرما موضوع بحث ہیں Yogi's Look A Like Contesting UP Polls From Barabanki۔ وہ بارہ بنکی کے رامنگر اسمبلی نشست سے امیدوار ہیں۔ ای ٹی وی بھارت کے نمائندہ نے ان سے خصوصی بات چیت کی۔

یوگی کے ہم شکل نیرج شرما میرٹھ ضلع کے ہیں۔ وہ یوگی سے متاثر ہوکر گورکھ ناتھ مٹھ پہنچے تھے اور ان کی نگرانی میں رہے۔ یوگی جب وزیراعلیٰ بنے تھے تو وہ بارہ بنکی کے لودھیشور مہادیو کے مندر کی خدمت میں مصروف ہو گئے۔ وہ خود کو یوگی سیوک یعنی خادم یوگی کہلاتے ہیں Yogi's Look A Like Contesting UP Polls From Barabanki۔

مہادیوی کا لودھیشور مہادیو مندر اور پارجات کے درخت کی شناخت بڑھانے کے لیے وہ رامنگر سے امیدوار ہیں۔

ای ٹی وی بھارت سے بات کرتے ہوئے یوگی کے ہم شکل نیرج شرما نے کہا کہ سماج کی بہتری کے لئے تمام دانشوران کی یہ ذمہ داری ہے کہ وہ آگے آئیں۔ یوگیوں کی بھی ذمہ داری ہے کہ وہ سیاست میں آئیں اور نظام کو سدھارنے اور اسے بہتر بنانے کی کوشش کریں۔

جب ان سے یہ سوال کیا گیا کہ اپوزیشن کا الزام ہے کہ یوگیوں کی وجہ سے ملک و ریاست کی ترقی متاثر ہوئی ہے تو انہوں نے کہا کہ ایسا نہیں ہے۔ آج انتظامیہ کو اگر کھل کر کام کرنے کی چھوٹ اگر ہے تو وہ یوگیوں کی وجہ سے ہے۔

بارہ بنکی کی رامنگر اسمبلی نشست سے امیدواری کے سوال پر انہوں نے کہا کہ انہیں لودھیشور مہادیو اور پارجات دھام نے بدلاؤ کے لئے بلایا ہے۔