یوگی حکومت آج اپنا پانچواں بجٹ پیش کرے گی

اترپردیش کے وزیر خزانہ سریش کمار کھنہ نے اتوار کے روز لکھنؤ میں اپنی سرکاری رہائش گاہ پر یوگی حکومت کے آخری بجٹ 2021-22 کو حتمی شکل دی۔ آج پیر کے روز وہ صبح گیارہ بجے سے اسمبلی میں بجٹ پیش کریں گے۔ بجٹ اتر پردیش دوردرشن پر براہ راست نشر کیا جائے گا۔

'اترپردیش حکومت بجٹ' نامی ایپ پر 2021-22 کا بجٹ دستیاب ہوگا۔ اس ایپ کو گوگل پلے اسٹور سے ڈاؤن لوڈ کیا جاسکتا ہے۔ اترپردیش کے وزیر خزانہ سریش کمار کھنہ نے اتوار کے روز 10 کالی داس مارگ پر واقع اپنی سرکاری رہائش گاہ پر بجٹ 2021-22 کو حتمی شکل دی۔ سریش کمار کھنہ نے بجٹ کو حتمی شکل دی تب ایڈیشنل چیف سکریٹری خزانہ ایس ایس۔ رادھا چوہان بھی موجود تھیں۔

وضح رہے کہ اس بار کے بجٹ میں مالی خسارے میں بہت زیادہ اضافہ دیکھا گیا ہے۔ اس کے لیے کورونا کو بھی ذمہ دار ٹھہرایا جارہا ہے۔ بجٹ میں کسانوں کے ساتھ نوجوانوں کو بھی راحت فراہم کرنا حکومت کی ترجیح ہوگی۔ اس کے علاوہ آئندہ برس انتخابی سال ہے۔ لہذا حکومت انتخابات کے پیش نظر ایک عوام کو متاثر کرنے والا بجٹ پیش کرنے کی ہر ممکن کوشش کرے گی۔