سی اے اے کے خلاف دھرنا میں مذہبی ہم آہنگی کا نظارہ

ریاست اترپردیش کے دارالحکومت لکھنؤ میں سی اے اے، این آر سی اور این پی آر کے خلاف احتجاج میں شامل خواتین نے مشترکہ طور پر مذہبی ہم آہنگی کا مظاہرہ کیا۔

احتجاج کے دوران ہندو مسلم خواتین نے اپنے طریقے سے اپنے معبود کو راضی کرنے کے لیے عبادت کا سہارا لیا، جس میں ہندو خواتین نے پوجا کی رسم ادا کی تو مسلم خواتین نے روزہ نماز اور دعا کا اہتمام کیا۔

نوابی شہر لکھنؤ تہذیب و ادب کا گہوارہ ہے۔ یہی وجہ ہے کہ یہاں کی ساجھی وراست گنگا جمنا تہذیب ہے۔ جہاں لوگ ایک ساتھ مل کر اللہ اور بھگوان کی عبادت کرتے ہیں۔

سی اے اے کے خلاف دھرنا میں مذہبی ہم آہنگی کا نظارہ

ای ٹی وی بھارت کے ساتھ بات چیت کے دوران ہندو خاتون نے کہا کہ' انہوں نے ایشور سے دعا کیا ہے کہ موجودہ حکومت کو صحیح راہ دکھائے تاکہ وہ سی اے اے اور این آر سی کو واپس لے اور ملک میں امن و امان وہ مذہبی ہم آہنگی برقرار رہے۔مسلم خاتون نے کہا کہ' جب حکومت اپنی ضد پر اڑی ہے اور ہماری بات نہیں سن رہی تو ہم نے اللہ کا سہارا لیا۔ ہمیں امید ہے کہ یہ متنازع قانون واپس ہو کر رہے گا'۔دھرنے کی جگہ ایک طرف جہاں پوجا میں مسلم خواتین شامل ہوئیں تو دوسری جانب روزہ افطار میں ہندو خواتین نے شرکت کر کے سماج کو یہ پیغام دیا کہ "ہم ایک ہیں اور ہمیشہ ایک ہی رہیں گے۔'