بنکر ادھیکار سنگٹھن کے پانچ نمائندوں نے ضلع مجسٹریٹ کو میمورنڈم دیا اور فلیٹ ریٹ کے بجائے میٹر ریڈنگ کے مطابق بجلی بل لینے کا فیصلہ واپس لینے کا مطالبہ کیا۔ انہوں نے یہ بھی کہا کہ اگر ایسا نہیں ہوتا ہے تو انکا کنیکشن کاٹ دیا جائے۔
دراصل اب شہری علاقوں کے بنکر ماہ میں 154 روپے اور دیہی علاقوں کے بنکر 86 روپے ماہانہ بجلی کا بل دیتے تھے۔ حکومت کے فیصلے سے انہیں میٹر ریڈنگ کے مطابق بل دینا پڑے گا۔ بنکروں کے مطابق اس فیصلے سے انہیں مہینے میں 4-5 ہزار روپے بل دینا ہوگا جبکہ بنکروں کی ماہانہ آمدنی بھی اتنی ہی ہے۔ ایسے میں ان کے سامنے روزی روٹی کی دقتیں آ جائیں گی اور وہ برباد ہو جائں گے۔
ضلع کے ہزاروں بنکروں نے بنکر ادھکار سنگٹھن کو اپنا کنیکشن کٹوانے کے لیے دستاویز بھی مہیا کرا دئے ہیں۔ اس مطالبے سمیت 7 نکاتی مطالبات کو لیکر بنکروں نے ریاست کے تمام اضلاع میں میمورنڈم دیا ہے۔ انہوں نے مطالبہ پر غور نہیں کیے جانے کی صورت میں بڑے احتجاج کا اعلان کیا ہے۔
