ریل خدمات بند ہونے سے بنکاری ضنعت سخت متاثر

اتر پردیش کے ضلع مئو میں لاک ڈاؤن سے ہی مسافر ٹرین تقریباً بند ہیں۔ ٹرین خدمات بند ہونے سے بنکاری صنعت سخت متاثر ہو گئی ہے۔

ریاست اتر پردیش کے مئو جنکشن ریلوے اسٹیشن پر لاک ڈاؤن کا اعلان ہوتے ہی ٹرین خدمات بند کر دی گئیں ہیں۔ مئو سے ٹرین خدمات بند ہونے کا سخت اثر بنکاری صنعت پر ہوا ہے۔ بنکر ٹرین کے ذریعہ بنارس، ممبئی و دیگر شہروں کو اپنی تیار ساڑیاں لیکر جاتے تھے۔ ٹرین سلسلہ رک جانے سے ساڑی کاروباریوں کو کافی نقصان پہنچا ہے۔ بنکروں کا تیار مال گوداموں میں گرد کھا رہا ہے۔ بنکروں نے محکمہ ریل سے فوری طور پر ٹرینوں کی خدمات شروع کرنے کا مطالبہ کیا ہے۔

بنکاری کاروبار سے منسلک افراد کا کہنا ہے کہ ٹرین بند ہونے سے وہ مالی طور پر کمزور ہو گئے ہیں۔ ان کے لیے اپنے اخراجات پورے کرنے میں بھی دقت پیش آ رہی ہے۔ کاروبار بند ہونے سے وہ اپنے کاریگروں کو بھی مزدوری دینے سے قاصر ہیں۔ بنکاری صنعت کار اپنے اہل خانہ کو بنیادی ضروریات بھی مہیہ نہیں کرا پا رہے ہیں۔