ریاست اترپردیش کے ضلع بارہ بنکی میں سریو ندی میں گزشتہ کچھ روز سے پانی کے سطح میں کافی زیادہ اضافہ ہوا ہے جس کی وجہ سے دوشنبہ کی صبح 10 بجے تک سریو ندی خطرے کے نشان سے 61 سینٹی میٹر اوپر سے بہہ رہی تھی۔
بارہ بنکی: سریو ندی میں پانی کی سطح خطرے کے نشان سے تجاوز سریو ندی میں پانی کی سطح خطرے کے نشان سے اوپر پہنچنے کی وجہ سے ضلع کے تین تحصیلوں کے 39 گاؤں سیلاب سے متاثرہ ہیں، سیلاب متاثرہ علاقوں کے باشندوں کو انتظامیہ کی جانب سے راحت اور حفاظتی مقام پر پہنچانے کے لیے جنگی پیمانے پر کام کیا جا رہا ہے۔
قابل غور بات یہ ہے کہ ہر برس کی طرح اس برس بھی سریو ندی میں بارش اور نیپال سے چھوڑے جانے والے پانی کی وجہ سے کافی زیادہ پانی جمع ہوگیا ہے، جس کے وجہ سے سریو کے ساحل پر بسنے والے تمام گاؤں ندی میں سما گئے ہیں، متاثرہ علاقوں کے باشندوں کو اونچے علاقوں پر بنائے گئے راحت کیمپوں میں رکھا گیا ہے، اس کے تحصیل تام نگر، سرولی غوسپور اور رام سنیہی گھاٹ کے 39 گاؤں میں سیلاب کی صورتحال بنی ہوئی ہے۔
سیلاب متاثرہ علاقوں میں انتظامیہ کے افسران اور ملازمین کا گشت مسلسل جاری ہے، سیلاب متاثرین کو انفیکشن سے بچانے کے لیے راحت کیمپوں میں مختلف انتظامات کیے گئے ہیں، سریو کی آبی سطح گزشتہ 12 گھنٹوں سے مستحکم بنی ہوئی ہے۔
