ریئلٹی چیک: ماسک نہ لگانے پر کیسا جواب دے رہے بنارسی

سماجی فاصلہ اور ماسک کے تعلق سے لوگوں کی عدم توجہی کتنی خطرناک ثابت ہوسکتی ہے اس کا اندازہ بھی نہیں لگایا جاسکتا۔ تاہم کورونا وائرس کی تیسری لہر کی وارننگ کے باوجود عوام احتیاطی تدابیر پر کم ہی عمل کررہے ہیں۔

کورونا وائرس کی دوسری خوفناک لہر کے بعد اب لاک ڈاؤن میں نرمی برتی گئی ہے۔ نرمی کی وجہ سے بنارس کے گھاٹوں پر رونقیں لوٹ آئی ہیں۔ یہاں کثیر تعداد میں عوام گھاٹوں پر جمع ہو رہے ہیں جہاں کورونا گائیڈ لائنز کو بھی نظر انداز کیا جارہا ہے۔ سماجی فاصلہ اور ماسک لگانے کی جانب بیشتر لوگوں کی توجہ نہیں ہے۔ وہیں کورونا کی تیسری لہر کی وارننگ کے باوجود لوگ احتیاطی تدابیر پر کم ہی عمل کررہے ہیں'۔

اس حوالے سے بنارس کے 80 گھاٹ پر ای ٹی وی بھارت نے ریئلٹی چیک کیا اور ان لوگوں سے سوال کیا جو لوگ ماسک لگائے کے بغیر عوامی مقامات پر گھوم رہے تھے۔ اس درمیان ماسک نہ لگانے والے افراد مضحکہ خیز جواب دے رہے ہیں۔

آپ کو بتادیں کہ پولیس انتظامیہ عوام کو کووڈ گائیڈ لائنز پر عمل کرنے کی مسلسل ہدایت کررہی ہے، متعدد چوراہوں پر ماسک لگانے کی یاد دہانی کرائی جارہی ہے اس کے باوجود عوامی سطح پر اس پر عمل نہیں کیا جارہا ہے۔

واضح رہے کہ کورونا کی دوسری لہر کے ابتداء میں اتر پردیش حکومت نے ماسک نہ لگانے پر ایک ہزار روپے جرمانے کا حکم دیا تھا اس کے باوجود بھی عوام نہ ہی کورونا سے بچنے کی جانب توجہ دے رہی ہے اور نہ ماسک لگا رہی ہے۔ ماسک نہ لگانے والوں میں زیادہ تر نوجوان لڑکے لڑکیاں شامل ہیں۔'