اسمبلی کے سامنے ماں بیٹی کی خودسوزی کی کوشش

ریاست اترپردیش کے دارالحکومت لکھنؤ میں جمعہ کی شام دو خواتین نے خودسوزی کی کوشش کی جس میں ایک کی حالت نازک ہے۔

اترپردیش کی راجدھانی لکھنؤ کے کافی سیکورٹی والے علاقے اسمبلی کے سامنے جمعہ کی شام دو خواتین نے خودسوزی کی کوشش کی جس میں ایک خاتون کی حالت کافی نازک بتائی جاتی ہے۔

پولیس ذرائع نے بتایا کہ حضرت گنج علاقے میں لوک بھون کے گیٹ نمبر 3 کے سامنے دو خواتین نے خود پر کچھ جلنے والی مائل اشیاء کا چھڑکائو کر کے خو د کو آگ لگا لی۔ وہاں موجود سیکورٹی اہلکار نے فوراً آگ بجھائی۔

خواتین کو شیاما پرساد مکھرجی سول اسپتال میں داخل کرایا گیا ہے جہاں ایک کی حالت کافی نازک ہے۔

خودسوزی کرنے والی خواتین رشتے میں ماں بیٹی بتائی جا رہی ہیں جو امیٹھی کے جامو علاقے کی رہنے والی ہیں۔

بتایا جا رہا ہے کہ نالی کے تنازع میں دبنگوں کے ہراسانی و استحصال سے پریشان ہوکر انہوں نے لکھنؤ آکر یہ انتہائی قدم اٹھایا ہے۔

پولیس فی الحال معاملے کی جانچ کر رہی ہے۔