کار ڈرائیور پر ہیلمیٹ کا چالان

ریاست اترپردیش پولیس نے ایک انوکھی کاروائی کرتے ہوئے ایک کار ڈرائیور کو ہیلمیٹ نہیں پہنے پر500 روپے کا جرمانہ عائد کیا۔

انیش نرولا نامی شخص نے انٹرنیٹ پر اپنی گاڑی پر500 روپے کا جرمانہ دیکھا، جس کے بعد انھوں نے بریلی پولیس میں غلط جرمانہ لگانے کی ایک درخواست دی۔
بریلی پولیس کا یہ اقدام سوشل میڈیا پر وائرل ہے اور اسے پولیس کی غیر ذمہ داری کے طور پر دیکھا جارہا ہے۔
اس ضمن میں ایس پی سبھاش چندرا گانگور نے قبول کیا کہ یہ جرمانہ غلطی سے لگایا گیا ہے۔
مذکورہ ایس پی نے کہا کہ انیش نرولا کی درخواست قبول کی گئی ہے، اس موقع پر انھوں نےغلطی کرنے والے عملہ کے خلاف کاروائی کا تیقن دیا۔