انہوں نے کہا کہ 'ریاستی حکومت متاثرین کو ہر ممکن راحت دستیاب کرانے کے لئے پرعزم ہے۔ انہوں نے افسران کو متاثرہ افراد کی ہرطرح سے مدد کرنے کی ہدایت دی ہے۔'
وزیر اعلی یوگی نے اتراکھنڈ حکومت کے افسران سے رابطہ کر کے اس آفت میں زخمی ریاستی باشندوں کے علاج کے انتظام کو یقینی بنائے جانے کو کہا ساتھ ہی اتراکھنڈ سانحہ میں ہلاک ہونے والے متاثرین کے اہل خانہ کو متعلقہ ضلع انتظامیہ کے ذریعہ مالی تعاون و دیگر راحت دستیاب کرائے جانے کی بات کہی'۔
ہلاک شدہ افراد کے جسد خاکی کو واپس لانے کے لئے کنبے کو ہر ممکن مدد فراہم کی جائے۔ انہوں نے کہا کہ 'یہ یقینی بنایا جائے کہ متاثرہ کنبوں کو کسی قسم کا کوئی مسئلہ نہ ہو'۔