'جامعہ فائرنگ کی جانچ کی جائے'

بہوجن سماج پارٹی (بی ایس پی) کی صدر مایاوتی نے دہلی کے جامعہ علاقے میں ایک نوجوان کے ذریعہ فائرنگ کرنے کے واقعہ کی جانچ کا مطالبہ کیا ہے۔

محترمہ مایاوتی نے آج دیر شام ٹویٹر پر کہا کہ یہ واقعہ افسوس ناک اور قابل مذمت ہے۔ مرکزی حکومت کو اسے سنجیدگی سے لینا چاہئے اور اس کی مکمل طور سے جانچ ہونی چاہئے۔

بی ایس پی لیڈر نے کہا، "جامعہ میں فائرنگ کا یہ واقعہ افسوسناک اور انتہائی قابل مذمت ہے۔ بی ایس پی لیڈر نے مرکز کی حکومت سے اس واقعہ کو انتہائی سنجیدگی سے لینے کی مانگ کی "

واضح رہے کہ جامعہ ملیہ اسلامیہ کے طلبا نے جمعرات کو بابائے قوم مہاتما گاندھی کی سمادھی راج گھاٹ جانے کےلیے جیسے ہی مارچ نکالا کیمپس سے چند قدم کے فاصلہ پر پولیس کے سامنے اچانک ایک شخص پستول لہراتے ہوئے آیا اور بھیڑ پر گولی چلادی جس سے ایک طالب علم زخمی ہوگیا تھا۔