بارہ بنکی میں اعظم خان کے حامی سفید کپڑوں میں ملبوس تھے اور اپنے جسم پر 'رلیز اعظم خاں' کا اسٹیکر لگوائے ہوئے تھے۔ اس کے علاوہ وہ ہاتھوں میں اعظم خان اور ان کے بیٹے عبداللہ اعظم کو رہا کرو لکھی ہوئی ہورڈنگس اور بینر لیکر بائیک پر سوار تھے۔
اعظم خان کے یہ حامی تاہم سماجوادی پارٹی کی سائیکل ریلی میں تھے، لیکن ان کا تعلق سماجوادی پارٹی سے ہی تھا۔ انہوں نے کہا کہ اعظم خان پر جتنے بھی مقدمے ہوئے ہیں، وہ سب بے بنیاد ہی ثابت ہوئے ہیں۔ اس لئے انہیں جلد از جلد رہا کیا جانا چاہئے۔
انہوں نے انتباہ دیا کہ اگر انہیں جلد رہا نہیں کیا گیا تو وہ اس سے بھی بڑا احتجاج کریں گے۔
