اترپردیس کے دارالحکومت لکھنؤ شیعہ مسلمانوں کا سب سے بڑا مرکز رہا ہے یہاں پر محرم الحرام میں ملک کے دوسرے علاقوں کے بنسبت مختلف تقریبات کے ذریعہ امام حسین کی شہادت کو یاد کیا جاتا ہے۔
جلوس میں لاکھوں کی تعداد میں عقیدت مند شامل رہے، جن میں چھوٹے بڑے بچوں کے علاوہ خواتین بھی شامل رہیں۔
جلوس میں شامل نوجوانوں نے یاحسین یاعباس کی صدائیں بلند کیں اور غم حسین میں ماتم کے ساتھ ہی سینہ کوبی کی اور نواسہ رسول کو نذرانئہ عقیدت پیش کیا۔
جلوس میں کوئی افراتفری نہ ہو اس کے لیے پولیس محکمہ پوری طرح سے مستعد نظر آیا۔
واضح رہے کی ماہ محرم میں غم حسین کی یاد میں جلوس نکالا جاتا ہے جوکہ نویں محرم کوناظم صاحب امام باڑے سے تالکٹورہ کربلا تک جاری رہتا ہے۔
