لوگوں کو چھوٹی چھوٹی صنعت کی جانب راغب کر نے کے مقصد سے ریاست اتر پردیش کے ضلع بارہ بنکی میں دو روزہ او ڈی او پی ’ون ڈسٹرکٹ ون پروڈکٹ‘ نمائش کا انعقاد کیا گیا ہے. اس تقریب میں ایم ایس ایم ای ’بہت چھوٹی، چھوٹی، اور درمیانی صنعت سے متعلق تمام قسم کی جانکاری کے ساتھ صنعت کاروں کو ٹول کٹ بھی مہیہ کرائی گئی.
نمائش کا انعقاد بارہ بنکی کے جی آئی سی آڈٹوریئم میں کیا گیا، جس میں مرکزی اور ریاستی حکومت کی جانب سے ایم ایس ایم ای ’بہت چھوٹی، چھوٹی، اور درمیانی صنعت کو بڑھاوا دینے کے لیے شروع کی گئی او ڈی او پی اسکیم کے بارے میں تفصیل سے بتایا گیا اور تمام قسم کے خدشات کو واضح کیا گیا۔
او ڈی او پی نمائش ایک ایسا پلیٹ فارم ہے جہاں کاریگر اپنے ہنر اور اپنی تخلیقی صلاحیت سے اپنی مرضی کے مطابق روزگار کر کے خد مختار ہو سکتا ہے.
او ڈی او پی تمام قسم کی چل رہی صنعتی اسکیمات سے بالکل مختلف ہے اور یہ ان تمام اسکیموں سے آسان بھی ہے یہی وجہ ہے کہ بارہ بنکی میں اس اسکیم سے لوگ مزید فائدہ لے رہے ہیں.