وشاکھاپٹنم گیس حادثہ پر حکومت سخت کارروائی کرے: مایاوتی

بہوجن سماج پارٹی کی صدر مایاوتی نے وشاکھا پٹنم گیس حادثہ پر گہری تشویش ظاہر کرتے ہوئے اس پر فوری طورپر سخت کارروائی کرنے اور احتیاط برتنے کے لیے کہا ہے۔

بہوجن سماج پارٹی کی صدر مایاوتی نے ایک ٹوئٹ میں کہا کہ آندھر اپردیش کے وشاکھا پٹنم میں فیکٹری چالو کرتے وقت زہریلی گیس کے اخراج سے کئی لوگوں کی موت اور کافی لوگوں کو سانس لینے میں پریشانی کے واقعہ پر گہرا دکھ اور تشویش ظاہر کی۔ اس سلسلہ میں فوری طورپر کارروائی کے ساتھ ساتھ آئندہ ہر جگہ احتیاط برتنے کی بھی سخت ضرورت ہے تاکہ ایسے حادثات پھر سے نہ ہوں۔

وشاکھا پٹنم میں ایک کارخانہ میں کل دیر رات زہریلی گیس کا رساؤ ہوا جس کی وجہ سے کئی لوگوں کی موت اور ہزاروں لوگ بیمار پڑ گئے ہیں، اطراف کے متعدد گاؤں کو خالی کرایا گیا ہے۔