ضلع مجسٹریٹ و ایس پی نے امتحانی مراکز کا معائنہ کیا

بہرائچ ضلع مجسٹریٹ شمبھو کمار اور پولیس کپتان ڈاکٹر گورو گروور نے آج ہائی اسکول و انٹرمیڈیٹ بورڈ امتحانات کے پہلے روز ہی ضلع بہرائچ کے امتحانی مراکز کے حالات کا جائزہ لینے کے لیے متعدد امتحانی مراکز کا معائنہ کیا۔

اس دوران ضلع مجسٹریٹ نے کمروں میں نصب سی سی ٹی وی کیمرے اور وائس ریکارڈر پر بھی نگاہ ڈالی۔

غور طلب ہے کہ اترپردیش میں ہائی اسکول اور انٹرمیڈیٹ بورڈ کے امتحانات آج سے شروع ہوگئے ہیں۔ 87 مراکز میں تقریبا 54696 امیدوار حصہ لے رہے ہیں۔

ضلع مجسٹریٹ شمبھو کمار کا کہنا ہے کہ حکومت کی ہدایت پر پوری طرح عمل کیا جارہا ہے تمام مراکز سی سی ٹی وی کیمروں سے آراستہ ہیں، بغیر نقل کیے 100 فیصد امتحانات شفافیت کا خیال رکھتے ہوئے کرائے جارہے ہیں۔