ہردوئی: بھائی نے بھائی کی جان لی

ریاست اترپردیش کے ضلع ہردوئی کے تڑیاواں علاقے میں شراب پی کر گاڑی نہ چلانے کی نصیحت کرنے پر بھائی نے ہی بھائی کو بھالا گھونپ کر مار ڈالا۔

اترپردیش کے ضلع ہردوئی کے تڑیاواں علاقے میں شراب پی کر گاڑی نہ چلانے کی نصیحت دینے پر ایک شخص نے بڑے بھائی کو بھالا گھونپ کر قتل کردیا اور فرار ہوگیا۔
پولیس ذرائع نے جمعرات کو بتایا کہ تڑیاواں علاقے کے جنگیا گاؤں باشندہ ستیندر کمار کا چھوٹا بھائی انوراگ گاڑی چلاتا ہے۔ دو تین دن پہلے وہ نشے کی حالت میں گاڑی چلارہا تھا جس کی شکایت گاؤں کے لوگوں نے اس کے بڑے بھائی ستیندر سے کی تھی۔
انہوں نے بتایا کہ چھوٹے بھائی کی شکایت ملنے کے بعد ستیندر بدھ کی رات انوراگ کو شراب پی کر گاڑی نہ چلانے کے ضمن سمجھا رہا تھا، اسی بات کے سلسلے میں دونوں بھائیوں کے درمیان بحث و مباحثہ ہونے لگا اور بات لڑائی جھگڑے تک پہنچ گئی جس کے بعد انوراگ نے قریب ہی رکھے بھالا بڑے بھائی کے پیٹ میں گھونپ دیا اور فرار ہوگیا، نازک حالت میں اسپتال لے جاتے وقت ستیندر نے راستے میں ہی دم توڑدیا۔
اس سلسلے میں معاملہ درج کرلیا گیا ہے اور پولیس قتل کے ملزم کو تلاش رہی ہے۔