مشتبہ حالت میں ملی نابالغ لڑکی کی لاش

بارہ بنکی کے رام نگر تھانہ حلقے کے ایک گاؤں میں سرسوں کے کھیت سے جمعہ کی شام ایک نابالغ لڑکی کی مشتبہ حالت میں لاش ملنے سے سنسنی مچ گئی۔

گھر والے جنسی زیادتی کے بعد قتل کا اندیشہ ظاہر کر رہے ہیں۔ دوسری جانب پولیس نے اس معاملے میں مقدمہ درج کر کے تحقیقات شروع کر دی ہے۔

ذرائع کے مطابق جمعہ کی شام ساڑھے تین بجے سے لڑکی گھر سے گیہوں کا کھیت دیکھنے گئی تھی۔ کافی دیر تک جب وہ نہیں لوٹی تو گھر اور گاؤں کے لوگوں نے اس کی تلاش شروع کی۔

کئی گھنٹوں کی تلاش کے بعد اس کی لاش سرسوں کے کھیت سے برآمد ہوئی۔ لڑکی کے اہل خانہ جنسی زیادتی کے بعد قتل کا اندیشہ ظاہر کر رہے ہیں۔

واردات کی اطلاع ملتے ہی پولیس کے اعلیٰ افسران نے موقع کا معائنہ کیا اور معاملے کی تحقیقات شروع کر دی ہے۔