بارہ بنکی: اتر پردیش میں اسمبلی انتخابات نزدیک آتے دیکھ حصہ داری کا مطالبہ تیز ہو گیا ہے، اسی سمت میں آل انڈیا پسماندہ مسلم محاذ نے سیکولر پارٹیز کے خلاف محاذ کھول دیا ہے، پسماندہ مسلم محاذ کے ریاستی صدر وسیم راعین نے بارہ بنکی میں پریس کانفرنس سے خطاب کرتے ہوئے سیکولر پارٹیز سے دو ٹوک کہا ہے کہ ووٹ ہمارا، راج تمہارا نہیں چلے گا۔ خاص بات یہ ہے کہ انہوں نے مرکزی حکومت سے پسماندہ مسلمان کو، حصہ داری دینے کا مطالبہ کیا ہے اور وہ بی جے پی کو ان پارٹیز کے مقابلے بہتر مان رہے ہیں۔
قابل ذکر ہے کہ سابق راجیہ سبھا رکن علی انور کی قیادت میں چلنے والے آل انڈیا پسماندہ مسلم محاذ لمبے وقفے سے پسماندہ مسلمانوں کے حقوق کے لئے کام کر رہا ہے۔ آرٹیکل 341 میں مسلمانوں کے ریزرویشن پر عائد پابندی کے لئے وہ لمبے وقفے سے متحرک ہے۔ محاذ کے ریاستی صدر وسیم راعین نے مرکزی حکومت سے مطالبہ کیا ہے کہ وہ پسماندہ مسلمان کو حکومت میں حصہداری دیں۔
انہوں نے مزید کہا کہ پسماندہ مسلمانوں کا سب سے زیادہ فائدہ سماجوادی پارٹی اور بی ایس پی نے اٹھایا ہے، لیکن انہوں نے پسماندہ مسلمانوں کو کبھی حصہداری نہیں دی، کانگریس نے بھی یہی کیا ہے۔
مزید پڑھیں: بارہ بنکی: لکھیم پور تشدد میں ہلاک کسانوں کو خراج عقیدت پیش کیا گیا
انہوں نے کہا کہ سماجوادی پارٹی نے 2012 کے انتخابی منشور میں مسلمانوں کو 18 فیصدی ریزرویشن دینے کا اعلان کیا لیکن حکومت بننے کے بعد کچھ نہیں ہوا۔ انہوں نے کہا کہ سماجوادی پارٹی نے مسلمانوں کو صرف دھوکا دیا ہے۔
یہ بھی پڑھیں: نجیب کی برآمدگی کب ہوگی؟ گمشدگی کے پانچ سال مکمل
بی جے پی جموں و کشمیر کے مزید حصے کرنا چاہتی ہے: محبوبہ مفتی
یہ پوچھے جانے پر کہ کیا آپ بی جے پی کو دیگر سیکولر پارٹیز سے بہتر مان رہے ہیں، وسیم راعین نے کہا کہ دیکھئے سب کو تو دیکھا جا چکا ہے لیکن کسی نے پسماندہ مسلمانوں کے بارے میں نہیں سوچا۔ اس لئے ووٹ ہمارا، راج تمہارا یہ اب نہیں چلے گا۔
