سوامی چنمیانند جیل سے رہا

اترپردیش کے شاہجہان پورمیں قانون کی طالبہ سے جنسی استحصال معاملے میں پھنسے سوامی چنمایانند کو 5 فروری کوجیل سے رہا کیا گیا۔ اس دوران ان کے حامیوں نے جیل کے گیٹ پر پہنچ کر ان کا استقبال کیا۔

ریاست اترپردیش کے ضلع شاہجہاں پور میں اپنے ہی کالج کی قانون کی طالبہ کے ساتھ عصمت دری اور جنسی ہراسانی کے الزام میں جیل میں قید سابق وزیر سوامی چنمیا نند کو 5 فروری کو جیل سے رہا کردیا گیا۔

سوامی کی ضمانت کی عرضی دو دن قبل ہی الہ آباد ہائی کورٹ نے منظور کرلی تھی اور کاغذی کاروائی کے بعد آج انہیں جیل سے رہائی مل گئی۔

جیل سے رہائی کے بعد سوامی کے حامیوں نے ان کو پھول دے کر ان کا استقبال کیا۔ اس موقع پر سابق ایم ایل سی جیش پرساد بھی موجود رہے۔

قابل ذکر ہے کہ سوامی چنمیانند پر 'قانون' کی طالبہ کی جانب سے عصمت دری اور جنسی ہراسانی کے الزام لگائے جانے کے بعد 20 ستمبر سے جیل میں بند تھے۔اس ضمن میں دو دن قبل ہی چنمیانند کو ہائی کورٹ سے ضمانت ملی ہے۔

چنمیانند پر اپنے ہی کالج کے قانون کی طالبہ پر جنسی ہراسانی کا الزام ہے۔

انہیں 20 ستمبر کو ایس آئی ٹی نے جیل بھیجا تھا۔

سوامی چنمایانند کے خلاف تھانہ کوتوالی میں دو الگ الگ مقدمات درج ہیں۔

ایک معاملے میں سوامی چنمیانند پر جنسی استحصال کا الزام ہے۔

دوسرے معاملے میں چنیمانند پر لاء کی طالبہ اور اس کے ساتھیوں نے بھتہ خوری کے تعلق سے 5 کروڑ کا مقدمہ درج کیا ہے۔

ایس آئی ٹی نے قانون کی طالبہ اور اس کے ساتھیوں کو 25 ستمبر کو جیل بھیج دیا۔

اب ان دونوں معاملات میں، تمام ملزمان کو جیل سے رہا کردیا گیا ہے۔
5 فروری کو سوامی چنمیانند کو جیل سے رہا کیا گیا ہے۔