احتجاج کر رہے اکیس لیکھپال نوکری سے برخاست

ریاست اترپردیش کے ضلع امروہہ میں حکومت سے اپنے مطالبے کو لیکر احتجاج کرنے والے اکیس لیکھپالوں کو برخاست کردیا گیا ہے اور متعدد لیکھپالوں کی تنخواہ روکے جانے کا نوٹس بھی جاری کر دیا گیا ہے۔

ریاست اتر پردیش کے امروہہ میں اترپردیش لیکھپال یونین کے حکم پر امروہہ کے ڈی ایم آفس پر لیکھپال نے اپنے مطالبات کو لیکر احتجاج کر رہے ہیں۔

لیکھپالوں کا احتجاج دس دسمبر سے شروع ہوا تھا لیکن امروہہ ڈی ایم نے متعدد مرتبہ اس احتجاج کو ختم کرنے کا حکم دیا جس کو پٹواریوں نے تسلیم نہیں کیا، آخرکار ضلع کے اے ڈی ایم گلاب چند نے احتجاج میں بیٹھے 21 پٹواریوں کو نوکری سے برخاست کردیا ہے جبکہ کئی پٹواریوں کی تنخواہ روکنے کا بھی حکم دیا ہے۔

اس حکم کے بعد بھی لیکھپال احتجاج ختم کرنے کو تیار نہیں ہے لیکھپال یونین کے ضلع صدر مانگے رام شرما نے صاف طور پر کہا ہے کہ جب تک انکے مطالبات تسلیم نہیں کیے جاتے تب تک اُنکا یہ احتجاج جاری رہے گا۔