وسیم رضوی کی درخواست خارج، مزید پچاس ہزار روپے جرمانہ

سپریم کورٹ نے وسیم رضوی کی درخواست کو غیر سنجیدہ قرار دیتے ہوئے پچاس ہزار روپے جرمانہ کے ساتھ مقدمہ خارج کر دیا۔

مولانا خالد سیف اللہ رحمانی کارگزار جنرل سکریٹری آل انڈیا مسلم پرسنل لا بورڈ کے پریس نوٹ کے مطابق آج سپریم کورٹ کی سہ رکنی بینچ کے سامنے قرآن مجید کی آیات کے سلسلہ میں وسیم رضوی کی درخواست پر مختصر بحث ہوئی۔

وسیم رضوی کی درخواست خارج

بینچ نے متفقہ طور پر اس درخواست کو غیر سنجیدہ قرار دیتے ہوئے خارج کر دیا اور درخواست گزار پر پچاس ہزار روپے جرمانہ بھی لگایا۔

بورڈ کی جانب سے سینئر ایڈوکیٹ جناب یوسف حاتم مچھالہ، جناب ایم آر شمشاد ایڈوکیٹ اور جناب محمد طاہر ایم حکیم ایڈوکیٹ نے پیروی کی، لیکن بورڈ کی جانب سے بحث کی ضرورت ہی پیش نہیں آئی، عدالت نے وسیم رضوی کا بیان سن کر ہی درخواست کو غیر سنجیدہ قرار دیتے ہوئے پچاس ہزار روپئے جرمانہ کے ساتھ مقدمہ خارج کر دیا۔