بہرائچ میں اسٹامپ وینڈرز کا احتجاج

بہرائچ میں آج سبھی اسٹامپ وینڈرز نے اپنا کام بند کر حکومت اترپردیش کے خلاف احتجاج کیا۔

اسٹامپ وینڈر ایسوسی ایشن کے ضلع صدر امیش کمار شری واستو نے بتایا کہ حکومت کے نئے قواعد کے مطابق اسٹامپ فروختگی کا کام ٹھیکہ پر دے دیا گیا ہے۔

جس کے سبب ٹھیکیدار نے سبھی وینڈروں کو ای اسٹامپ کے فروختگی میں اضافہ کرنے کے سلسلے میں ہم سبھی کو کمپیوٹر و پرینٹر کے ساتھ اِنٹرنیٹ کنیکشن لینا لازمی ہو جائے گا جبکہ ان ٹھیکیداروں نے اسٹامپ پر ملنے والا کمیشن پہلے سے کافی کم کر دیا ہے اور دوسری بڑی پریشانی یہ ہے کہ ہم وینڈر لکڑی کی ڈھابلی دکان میں اپنا کام کرتے ہیں ایسے میں کمپیوٹر کا سیٹ اب اس دکان میں رکھ پانا ناممکن اور ہم وینڈروں کو اس کا خرچ اٹھانا بھی مہال ہوگا۔

بہرائچ میں اسٹامپ وینڈروں کا احتجاج

اسٹامپ وینڈر ایسوسی ایشن کے ضلع خزانچی محمد فہیم نے بتایا کہ حکومت کی جانب سے پہلے ہمیں کل اسٹامپ کی لاگت پر کمیشن ایک لاکھ پر ایک ہزار روپیہ ملتا تھا جو اب ایک لاکھ پر صرف ایک سو پندرہ روپیہ ہی ملیں گے جس سے ہمیں اپنے اہل خانہ کا خرچ چلانا مشکل ہو جائیگا۔ اس پر نیٹ وغیرہ کا خرچ الگ سے اس لئے آج ہم لوگ پرانی اسٹامپ کمیشن کی بحالی کو لے کر کلیکٹریٹ احاطے میں احتجاج کر رہے ہیں امید ہے کہ حکومت ہماری پریشانی کو دیکھتے ہوئے پرانا کمیشن لاگو کرے گی۔