ریاست اترپردیش کے رامپور میں قائم اقلیتی درگاہ ایسٹ ویسٹ پبلک اسکول East West School in Rampurمیں سائنسی نمائش Science Exhibition کا اہتمام کیا گیا۔ جہاں طلبہ و طالبات نے مختلف ماڈل تیار کرکے اپنی سائنسی قابلیتوں کا مظاہرہ کیا۔ اس نمائش میں طلبہ اور ان کے اساتذہ کے ساتھ طلبہ کے سرپرستوں نے بھی شرکت کی۔
رامپور کے ایسٹ ویسٹ پبلک اسکول میں سائنسی نمائش کا انعقاد طلبہ میں سائنسی رجحان، بیداری، سائنٹفک نظریہ پیدا کرنے اور سائنس کے میدان میں انہیں باصلاحیت بنانے کے مقصد سے رامپور کے ایسٹ ویسٹ پبلک اسکول میں سائنسی نمائش کا انعقاد کیا گیا۔ جس میں طلبہ و طالبات نے اپنے خوبصورت اور سائنسی ماڈلز پیش کرکے مہمانان اور شائقین کے دلوں کو جیت لیا۔نمائش کا باقاعدہ افتتاح مہمان خصوصی ضمیر رضوی ایڈووکیٹ نے کیا۔ اس موقع پر انہوں نے تمام طلبہ کے ماڈلز دیکھے اور طلبا سے اس ان ماڈلز سے متعلق سوالات کئے۔ وہیں طلباء نے سائنسی ضوریات کے تحت ماڈل پیش کئے۔طلباء کی جانب سے پیش کردہ ماڈل میں توانائی کی بچت، مختلف ذرائع سے توانائی پیدا کرنے اور ماحولیات کے موضوع پر ایسے ماڈل تھے کہ جن پر عمل کر لیا جائے تو موجودہ دور کے تمام مسائل آسانی سے حل ہو جائیں گے۔
ساتھ ہی اس موقع پر کچھ طلباء نے تاریخی عمارتوں کے خوبصورت نمونے بھی تیار کئے۔ جس میں خصوصی طور پر آگرہ کا تاج محل، دہلی میں واقع انڈیا گیٹ، قطب مینار اور لال قلع وغیرہ کے ماڈل کا مظاہرہ کیا گیا۔ اس موقع پر تمام ہی حاضرین طلباء و طالبات کی ان کوششوں کی کافی ستائش کی۔
