جونپور: سڑک حادثے میں ایک ہی کنبہ کے تین افراد ہلاک

جونپور میں اسکارپیو پلٹنے سے تین افراد کی موقع پر ہی موت واقع ہوگئی جبکہ پانچ افراد شدید زخمی ہوئے اور دو افراد بحفاظت بچ نکلے۔

ریاست اترپردیش کے ضلع جونپور میں نصف شب ایک اسکارپیو تیز رفتار ہونے کی وجہ سے سڑک کے کنارے کھائی میں پلٹ گئی، اسکارپیو کے پرخچے اڑ گئےاس حادثے میں موقع پر ہی تین افراد کی موت ہو گئی جبکہ پانچ افراد زخمی ہوگئے۔ زخمیوں میں دو کی حالت کافی سنگین بتائی جارہی ہے، جنہیں ڈاکٹر وں نے ضلع اسپتال ریفر کردیا۔

ضلع جون پور کے تھانہ سکرارہ کے علاقہ نیوڑھیا گاؤں کے رہنے والے گلاب چندر اپنی بہو کے گھر ایک پروگرام میں شرکت کے لئے اسکارپیو سے مع اہلو عیال پرتاپ گڑھ کے رانی گنج گئے تھے۔ پروگرام سے لوٹتے ہوئے راستے میں جیسے ہی مچھلی شہر کوتوالی کے این ایچ 31 پر جہاسا پور گاؤں کے قریب پہنچے، گاڑی تیز رفتار تھی تبھی ایک ٹھیلا کو بچانے کے سبب گاڑی سڑک کے کنارے کھائی میں پلٹ گئی جس کے بعد گاڑی میں ہو رہی چیخ و پکار کو سن کر ارد گرد کے لوگ جمع ہو گئے اور فوراً کوتوالی پولیس کو اطلاع دی۔

اطلاع ملتے ہی سی او وجئے سنگھ، کوتوال دنیش پرکاش پانڈے موقع پر پہنچ کرتمام لوگوں کو ساتھ لےکر سی ایچ سی مچھلی شہر پہونچےجہاں پر ڈاکٹروں نے دیکھتے ہی نریندر گوتم 46 سال، گلاب چند 50 سال اور منوج سنگھ 20 سال کو مردہ قرار دے دیا۔ حادثے میں پانچ افراد شدید طور پر زخمی ہوئے۔زخمیوں میں بچئ اور وشال کی حالت نازک دیکھ کر ڈاکٹروں نے دونوں افراد کو ضلع ہسپتال ریفر کردیا ہے، حادثے میں بہو کرن اور6 ماہ کا بچہ بحفاظت بچ گئے۔