'بابری مسجد مسئلے کو جلد از جلد حل کیا جائے'

بابری مسجد ایکشن کمیٹی کے رکن اور بابری مسجد اراضی کے مدعی اقبال انصاری نے ای ٹی وی بھارت سے خصوصی بات کی اور لکھنو میں ہو نے والے اجلاس اور آئندہ کی حکمت عملی پر روشنی ڈالی۔

ریاست اترپردیش کے دارالحکومت لکھنؤ میں آج بابری مسجد ایکشن کمیٹی کی میٹنگ ہوئی، جس میں بابری مسجد تنازع کو حل کر نے کے لیے سپریم کورٹ کے فیصلے پر تبادلہ خیال کیا گیا۔

ہوئے بابری مسجد ایکشن کمیٹی کے رکن اور بابری مسجد اراضی کے مدعی اقبال انصاری نے کہا 'ہم عدلیہ اور پینل کا خیر مقدم کرتے ہیں۔ پینل جو بھی بات رکھے گی ہم اسے سنیں گے۔ بابری مسجد کیس 70 سال سے حل نہیں ہو رہا ہے، ہم چاہتے ہیں کہ اب اس کا کوئی نہ کوئی حل نکال کے اس مسئلے کوختم کیا جائے'۔

انہوں نے مزید کہا کہ اگر معاملہ پینل کے ذریعے ختم ہوا تو ٹھیک ہے، ورنہ اسکا فیصلہ پھر عدالت ہی کرے گی۔

انہوں نے کہا:' پینل کے لوگ کل فیض آباد جا رہے ہیں، جو بھی بات ہوگی اُس پر غور کیا جائے گا'۔

شری شری روی شنکر کے نام پر اقبال انصاری نے کہا 'جب اجودھیا کے سادھو سنت اُن پر اعتماد نہیں کرتے تو پھر ہم ان پر اعتماد کیسے کریں؟
خیا ل رہے کہ سپریم کورٹ نے بابری مسجد کیس میں ایک سہ رکنی ثالثی پینل تشکیل دی ہے جس میں شری شری رو شنکر بھی شامل ہیں۔