تعمیراتی کاموں پر بھی جی ایس ٹی کا منفی اثر پڑا ہے۔ عوام نے تعمیراتی کاموں کو محدود کر دیا ہے جس کی وجہ سے اس پیشے سے جڑے لوگوں پریشانیوں کا سامنا ہے۔
اس سلسلے میں جب ایک ٹھیکے دار اشوک ورما سے گفتگو کی گئی تو انہوں نے کہا کہ' جی ایس ٹی کے نفاذ کے بعد ہم لوگوں کے کام بہت متاثر ہوئے ہیں'۔ لوگ اب کام بہت کم کراتے ہیں، کام ہو یا نہ ہو ہر مہینے جی ایس ٹی بھرنا ضروری ہے۔ جو ایک سر درد ہے'۔
انہوں نے کہا جی ایس ٹی نافذ ہوئے کئی برس ہو گئے لیکن حالات بہت خراب ہیں'۔
اس موقعے پر انہوں نے خواہش ظاہر کی کہ حکومت ایسا نظام قائم کرے جس سے تاجروں اور ہم جیسے لوگوں کا کام کرنا آسان ہوجائے'۔ انہوں نے کہا کہ نوٹ بندی کے بعد ہم لوگوں کی جمع پونجی ختم ہوگئی اور جو کچھ بچی تھی وہ جی ایس تی کی وجہ سے کاروبار میں جو مندی آئی وہ اس کی شکار ہوگئی ہے۔
انہوں نے امید ظاہر کی کہ حکومت جلد سے جلد اس سلسلے میں کوئی مثبت قدم اٹھائے گی'۔
