کسانوں اور غیریبوں کے لیے بجٹ میں کچھ نہیں ہے: اکھلیش

سماج وادی پارٹی نے پیر کو پیش کیے گئے عام بجٹ میں بے روزگاروں کی طرف توجہ نہ دینے کا الزام عائد کرتے ہوئے کہا ہے کہ اس میں کسانوں کے لیے کچھ نہیں کیا گیا ہے۔

ایس پی کے صدر اکھلیش یادو نے وزیر خزانہ نرملا سیتارمن کی جانب سے پیش کردہ بجٹ کی خامیوں کا ذکر کرتے ہوئے پوچھا کہ اس میں احتجاج کرنے والے کسانوں کے لیے کیا کیا گیا ہے۔

انہوں نے کہا کہ بھارتیہ جنتا پارٹی (بی جے پی) ہمیشہ کہتی ہے کہ وہ کسانوں کی آمدنی دگنا کرے گی لیکن کیا اس بجٹ سے کسانوں کی آمدنی دگنا ہوگی۔

اکھیلش یادو نے کہا کہ جو نوجوان تعلیم حاصل کرنا چاہتے ہیں اور مختلف شعبوں میں اپنا کیریئر بنانے کی خواہش رکھتے ہیں، ان کے لیے اس بجٹ میں کیا ہے، کیا ان کے لیے روزگار کا کوئی انتظام کیا گیا ہے۔

بہوجن سماج پارٹی (بی ایس پی) کی صدر اور سابق وزیراعلیٰ مایاوتی نے بجٹ پر ردعمل ظاہر کرتے ہوئے کہا کہ ملک کے کروڑوں غریب عوام، کسان اور مزدور طبقہ مرکزی حکومت کے لبھانے والے وعدوں اور کھوکھلے دعوؤں سے تنگ آچکے ہیں، یہ لوگ بہت پریشان ہیں، بہتر یہ ہوگا کہ حکومت اپنے وعدوں کو پورا کرے۔