شہری ترمیمی ایکٹ کے خلاف بہرائچ میں احتجاج

جمیعتہ علما ہند کی جانب سے آج شہری ترمیمی قانون اور نیشنل قومی رجسٹر کے خلاف احتجاجی مظاہرہ کیا گیا۔

ریاست اترپردیش کے ضلع بہرائچ میں جمیعتہ علماء ہند کی جانب سے مدرسہ نورالعلوم سے ایک احتجاجی جلوس نکالا گیا جسے پولیس نے روک دیا۔

واضح رہے کہ اس احتجاجی جلوس کو پولیس نے قاضی پورہ چوراہے پر روک دیا اور آگے نہیں جانے دیا، جبکہ جمیعۃ علما کے ضلع صدر قاری زبیر احمد قاسمی نے اپنا میمورنڈم ضلع مجسٹریٹ کو سونپا۔

اسی ضمن میں شہر مجسٹریٹ نے بتایا کہ جمیعتہ علما کی طرف سے ایک مظاہرہ کیا گیا اور ایک میمورنڈم پیش کیا، جسے کارروائی کے لیے صدر جمہوریہ کو بھیج دیا جائے گا۔

اس موقع پر جمیعتہ علما ہند، ہرائچ کے صدر قاری زبیر احمد قاسمی، مولانا عنایت اللہ، نگر پالیگا چیئرمین حاجی ریحان احمد، شکیل مرزا، شاہ عالم، عیاض احمد کے علاوہ کثیر تعداد میں لوگوں نے شرکت کی۔