اٹل بہاری واجپئی کے مجسمے کی نقاب کشائی

وزیر اعظم نریندر مودی نے سابق وزیراعظم اٹل بہاری واجپئی کے یوم پیدائش کے موقع پر انکے مجسمے کی نقاب کشائی کی۔

وزیر اعظم نریندر مودی اماؤسی ہوائی اڈے پر پہنچے جہاں گورنر آنندی بین پٹیل اور وزیر اعلی یوگی آدتیہ ناتھ نے ان کا استقبال کیا۔

اٹل بہاری واجپئی کے یوم پیدائش کے موقع پر لوک بھون آڈیٹوریم میں پروگرام جاری ہے، جس میں وزیراعظم نے شرکت کی ۔

پروگرام میں شرکت سے قبل وزیراعظم نریندر مودی نے سابق وزیر اعظم اٹل بہاری واجپئی کے مجسمے کی نقاب کشائی کی۔

اس کے ساتھ ہی پی ایم مودی اٹل میڈیکل یونیورسٹی کا سنگ بنیاد بھی رکھیں گے اور 356 میڈیکل انسٹیٹیوٹ اٹل یونیورسٹی سے وابستہ ہوں گے۔