بارہ بنکی: 'ورلڈ ارتھ ڈے' پر تقسیم کیے گئے مٹی کے قاسے

ریاست اتر پردیش کے بارہ بنکی میں ماحولیاتی تحفظ کے لیے کام کرنے والی تنظیم گرین گینگ، پریاورن سینا اور آنکھیں انڈیا فاونڈیشن کی جانب سے بیداری مہم چلائی گئی، جس میں پرندوں کی حفاظت سے متعلق عوام کو بیدار کیا گیا، اس درمیان تنظیم کی جانب سے لوگوں کے مابین مٹی کے قاسے بھی تقسیم کیے گئے۔

ان مٹی کے قاسوں کو تقسیم کرنے کی وجہ یہ ہے کہ ان پرندوں کے لیے چھتوں پر کھانے کا انتظام کیا جا سکے۔

قابل غور ہو کہ گرین گینگ، پریاورن سینا اور آنکھیں انڈیا فاؤنڈیشن گزشتہ نو برس سے 'ورلڈ ارتھ ڈے' کے موقع پر یہ کام کرتی آ رہی ہیں، تنظیم کی کوشش رہتی ہے کہ پرندوں کے تحفظ کی اس مہم میں زیادہ سے زیادہ خواتین کو جوڑا جائے، کیوں کہ گھروں میں سب سے زیادہ وقت خواتین ہی گزارتی ہیں، اور وہ بہتر طریقے سے پرندوں کی مدد کر سکتی ہیں۔

تنظیم کا کہنا ہے کہ بعض مہم کے نتائج بھی مثبت آئے ہیں، کیونکہ یہ کام انہیں علاقوں میں کیا جاتا ہے جہاں تنظیم کے رضا کار موجود ہوتے ہیں، وہ رضاکارعوام کو وقتا فو وقتا بیدار کرتے رہتے ہیں، جس کی وجہ سے اس مہم کے نتائج بہتر رہے ہیں۔

قاسہ تقسیم کے علاوہ اس تنظیم کی جانب سے اسی علاقے کے پارک میں پرندوں کے پانی کے لئے پیڑوں میں ملیا بھی باندھتے ہیں۔