دراصل گزشتہ ایک ہفتہ قبل تھانہ شاہ آباد علاقے میں ایک نابالغ لڑکی کے قتل کا واقعہ پیش آیا تھا۔
پولیس سے ملی اطلاعات کے مطابق آج جن دو بدمعاشوں ببو بیگ اور ایسار الدین کو پولیس نے گولی ماری ہے، یہ دونوں اور ان کا تیسرا ساتھی جس کو گرفتار کر لیا گیا ہے، نابالغ لڑکی کے قتل کی واردات میں مبتلا تھے۔
مقامی پولیس کے مطابق ان بدمعاشوں پر 25 25 ہزار کا انعام رکھا گیا تھا۔
رامپور کے پولیس کپتان سنتوش کمار مشرا نے میڈیا کو دیے اپنے بیان میں کہا کہ 'گزشتہ ایک ہفتہ قبل تھانہ شاہ آباد علاقے میں ان تینوں بدمعاشوں نے نابالغ لڑکی کے ساتھ جنسی زیادتی کرنے کی کوشش میں اس کا قتل کر دیا تھا'۔
انہوں نے کہا 'آج ہماری ٹیم نے ان میں سے دو کو گولی مار کر 'رگڑ دیا ہے' اور تینوں کو گرفتار کرکے جیل بھیجا جا رہا ہے۔ ساتھ ہی پولیس کپتان سنتوش کمار مشرا نے یہ بھی کہا کہ ضلع میں جو بھی لوگ اگر ایسی کسی بھی واردات کو انجام دیں گے عوام یا پولیس پر گولی چلائیں گے تو ہم اپنی کارروائی کو انجام دیتے ہوئے اسی طرح سے 'رگڑ دیں گے'۔ اور پورے ضلع میں ہم یہی مہم چلائیں گے۔
بتا دیں کہ اس کارروائی کو انجام دینے والی پولیس ٹیم کو ایس پی سنتوش کمار مشرا کے مطابق 20 ہزار روپیے کا انعام دیا جارہا ہے۔
TAGGED:
پولیس کپتان سنتوش کمار مشرا