جونپور: پیشہ ور قاتل گرفتار

ریاست اتر پردیش کے جونپور میں ایس پی جونپور کی ہدایت پر خاص کر ایک ملزم کے خلاف مہم چلائی گئی جہاں ایک پیشہ ور ملزم کو گرفتار کر لیا گیا۔

جونپور پولیس نے ایک ہسٹری شیٹر کو گرفتار کرنے میں کامیابی حاصل کی ہے جو اجرت پر قتل کرنے کا کام کیا کرتا تھا۔ پولیس نے مجرم کے پاس سے ایک عدد پستول و چوری کی موٹرسائیکل برآمد کی ہے جس کے خلاف نہ صرف جونپور میں بلکہ بنارس کے تھانہ پھولپور میں بھی مقدمہ درج ہے۔

پولیس تحویل میں یہ مجرم پولیس کی ڈائری میں ہسٹری شیٹر ہے، جس کا نام آدرش سنگھ ہے جو تھانہ کیراکت حلقہ کے موضع بھڑا کا رہنے والا ہے۔

ایس پی سٹی ڈاکٹر سنجے کمار نے بتایا کہ آدرش اجرت پر قتل کرنے کا کام کرتا تھا، جس کے خلاف بنارس کے پھولپور اور جونپور کے تھانہ چندوک میں متعدد مقدمات درج ہیں۔ اس کو حراست میں لینے کے لئے پولیس نے اپنا جال بچھایا تھا۔ تھانہ چندوک پولیس نے گلرا کھڑنجا موڑ کے قریب انکاؤنٹر کے بعد مجرم کو گرفتار کر لیا گیا ہے۔ اب پولیس قانونی کارروائی میں مصروف ہے۔