بس میں اچانک آگ لگنے سے افراتفری

ریاست اترپردیش کے ضلع ہردوئی میں مہوتسو پروگرام کے دوران بسز میں آگ لگنے سے افرا تفری کا ماحول پیدا ہوگیا۔

اطلاعات کے مطابق ضلع میں جاری مہوتسو پروگرام کے دوران گراؤنڈ میں کھڑی بسز میں آگ لگ گئی، آگ لگنے کی وجہ سے نمائشی پروگرام میں افراتفری پھیل گئی، موقع پر پہنچے فائر بریگیڈ کے عملے نے آگ کو قابو میں کیا۔

خبروں کے مطابق بس میں شارٹ سرکٹ کی وجہ سے آگ لگی۔ آگ کی لپٹیں اتنی تیز تھیں کہ اس نے بغل میں کھڑی دوسری بس کو بھی اپنی زد میں لے لیا۔

مقامی لوگوں نے اس کی اطلاع فوراً فائر بریگیڈ کو دی، جس کے بعد فائر بریگیڈ عملے نے موقع پر پہنچ کر آگ پر قابو پایا۔

ایس پی ہردوئی امت کمار کا کہنا ہے کہ 'بسز میں شارٹ سرکٹ کی وجہ سے آگ لگی تھی، دو بس میں آتشزدگی کے مزید کسی قسم کا کوئی جانی و مالی نقصان نہیں ہوا ہے۔'