وزیراعظم نریندر مودی کے امریکی دورہ پر تنقید کرنے والی اپوزیشن پارٹی کو اترپردیش کے کابینی وزیر شری کانت شرما نے نصیحت کی ہے۔
شرما نے کہا ہے کہ جب پوری دنیا میں بھارت کا وقار بڑھ رہا ہے اور امریکہ جیسے ملک کو بھارت کی مدد لینی پڑ رہی ہے تو ایسے میں اپوزیشن پارٹیوں کو ملک کے مفاد کے لئے حکومت کے ساتھ رہنا چاہئے.
شری کانت شرما :ملک کے بڑھتے وقار کے آگے امریکہ بھی مدد کا طالب بارہ بنکی میں نامہ نگاروں سے بات کرتے ہوئے شریکانت شرما نے ای ٹی وی بھارت کے نمائندے کو بتایا کہ 'اپوزیشن پارٹیوں کی سوچ کا دائرہ محدود ہو گیا ہے'۔ اپوزیشن پارٹیوں کو اس خیال سے باہر آنا چاہیے۔
انہوں نے کہا کہ آج پوری دنیامیں ملک کے 130 کروڑ شہریوں کا سر فخر سے اونچا ہو رہا ہے، شرما نے مزید کہا کہ امریکہ جیسے ملک کو آج بھارت کی مدد لینی پڑ رہی ہے، ایسے میں اپوزیشن تنقید کے بجائے حکومت کا ساتھ دے۔
