نوئیڈا: کانگریس نے جاوید خان اور رضوان چودھری کو ریاستی سطح کی ذمہ داری سونپی

جاوید خان کا شمارنوئیڈا کے متحرک رہنماؤں میں ہوتا ہے۔ نوئیڈا میں انہوں نے اپنی ذاتی کوششوں سے کانگریس کو کافی مستحکم اور مضبوط کیا۔ جبکہ رضوان چودھری طویل عرصے تک کانگریس کے مہانگر جنرل سیکریٹری رہے ہیں۔

آل انڈیا کانگریس کمیٹی کے رکن دنیش اوانہ کے سیکٹر 93 کے دفتر پر سابق سٹی صدر کانگریس کمیٹی نوئیڈا شہاب الدین کی قیادت میں جاوید خان اور رضوان چودھری کو غیر منظم سیکٹر کانگریس ورکرز کا ریاستی جنرل سکریٹری اور سکریٹری مقرر کیا گیا۔

دونوں رہنماوں کا ایک شاندار تقریب میں استقبال کیا گیا۔ کانگریس کے رہنما اروند سنگھ اور مغربی اتر پردیش کے صدر حاجی محمد اطہر نے نوئیڈا کے ابھرتے ہوئے نوجوان رہنما جاوید خان کو ریاستی جنرل سیکریٹری اور نوئیڈا کانگریس کے رضوان چودھری کو ریاستی سکریٹری کی ذمہ داری سونپی۔

جاوید خان کا نوئیڈا کے نوجوان اور متحرک رہنماؤں میں شمار ہوتا ہے۔نوئیڈا میں انہوں نے اپنی ذاتی کوششوں سے کانگریس کو کافی مستحکم اور مضبوط کیا۔جبکہ رضوان چودھری طویل عرصے تک کانگریس کے مہانگر جنرل سیکریٹری رہے ہیں۔ خاموش طبیعت کے مالک رضوان چودھری کانگریس کے قدآور اور سینئر رہنما ہیں۔

اس موقع پر دونوں رہنماؤں نے کانگریس کو نوئیڈا میں مزید مضبوط کرنے کا عزم ظاہر کیا ہے۔