اترپردیش میں کورونا کے 1814 نئے کیسز، 21 کی اموات

اترپردیش میں کورونا وائرس کے انفیکشن سے اب تک تقریبا 4 لاکھ 71 ہزار 800 افراد مثبت ہو چکے ہیں جبکہ 6,902 لوگوں کی موت بھی ہو چکی ہے۔

ریاست اترپردیش میں کورونا وائرس سے متاثر مریضوں کی تعداد میں کمی واقع ہوئی ہے، جبکہ صحتیاب ہونے والوں کی تعداد میں بھی اضافہ ہورہا ہے، آج یوپی میں 1814 نئے کیسز سامنے آئے ہیں، وہیں 21 لوگوں کی موت بھی ہوئی ہے۔

ریاست میں اب تک 4 لاکھ 38 ہزار 521 مریض ڈسچارج کیے جاچکے ہیں، جس میں لکھنؤ سے 57783، کانپور سے 25843، پریاگ راج میں 21673، گورکھپور سے 17328، غازی آباد سے 16811، نوئیڈا سے 15848، وارانسی سے 15560، میرٹھ سے 11442، بریلی سے 11073 اور علی گڑھ سے 9055، اس کے علاوہ دوسرے اضلاع سے بھی ڈسچارج کیا گیا ہے۔

کرونا وائرس سے اتر پردیش میں اب تک 6902 موت ہوئی،لکھنؤ میں 862، کانپور شہر میں 724، وارانسی میں 323، پریاگ راج میں 322، میرٹھ میں 315، گورکھپور میں 304، مراد آباد میں 165، بریلی میں 154 اور آگرہ میں 143 افراد کے علاوہ دوسرے اضلاع میں بھی کورونا متاثرین کی موت ہوئی ہے۔

وہیں ایکٹیو کیسز 26654 ہیں، لکھنؤ میں 3415، وارانسی میں 1385، پریاگ راج میں 1318، میرٹھ میں 1316، کانپور میں 1035، گورکھپور میں 974 اس کے علاوہ دوسرے اضلاع میں بھی ایکٹیو کیسز ہیں۔