اتر پردیش کے ضلع پیلی بھیت جنپد کے تین نوجوانوں پر نیپال پولیس نے فائرنگ کر دی جس میں ایک نوجوان ہلاک ہو گیا ہے۔
جانکاری کے مطابق انڈو نیپال سرحد کے قریب واقع پیلی بھیت کے تین نوجوان سرحد پار کر نیپال کا دورہ کرنے گئے تھے۔ اس دوران نیپال پولیس کے ساتھ بھارتیہ شہریوں سے کسی بات پر بحث ہوگئی۔ اس پر نیپال پولیس نے بھارتی شہریوں پر فائرنگ کردی۔
اس واقعے میں ایک بھارتی نوجوان کی موقع پر ہی موت ہوگئی۔ ہلاک شخص کی لاش نیپال میں ہی ایک اسپتال میں رکھی گئی ہے۔ جبکہ ایک نوجوان کسی طرح اپنی جان بچانے کے بعد بھارتیہ سرحد میں داخل ہونے میں کامیاب ہو گیا۔ اس کے علاوہ تیسرے شخص کے متعلق کوئی معلومات دستیاب نہیں ہے۔
اس واقعے کی اطلاع ملتے ہی ہند نیپال سرحد پر تعینات ایس ایس بی کی ٹیم سمیت پیلی بھیت پولیس متحرک ہو گئی اور ہند نیپال سرحد پر پولیس کی بھاری نفری تعینات کردی گئی ہے۔
پولیس سپرنٹنڈنٹ جئے پرکاش یادو نے بتایا کہ تین نوجوان نیپال گئے تھے۔ جہاں پر ان کی نیپال پولیس سے بحث ہو گئی، جس کے بعد ان پر نیپال پولیس نے فائرنگ کر دی، اس دوران ایک نوجوان کی موت ہو گئی ہے، جبکہ ایک دوسرا نوجوان وہاں سے فرار ہو کر بھارت کی سرحد میں داخل ہونے میں کامیاب ہو گیا ہے لیکن تیسرے نوجوان کی کسی طرح کی کوئی جانکاری نہیں مل پارہی ہے۔ فی الحال سرحد پر پولیس فورس تعینات ہے اور سرحد پر امن قائم ہے۔