یہاں معائنہ کرنے کے بعد وہ مراد آباد کے سرکٹ ہاوس پہنچے اور میڈیا سے بات چیت کرتے ہوئے کہا کہ 'ایئرپورٹ کے معائنے کے دوران دیکھا گیا کہ ایئرپورٹ کا کام تیزی سے جاری ہے اور دس دن کے اندر کام مکمل ہو جائے گا۔'
انہوں نے مزید بتایا کہ 'پورے ملک میں 25 ایئرپورٹ منتخب کیے گئے ہیں جس میں سے نو اترپردیش میں بنائے جا رہے ہیں جیسے علی گڑھ، اعظم گڑھ، بریلی، مراد آباد، سونبھدر، چترکوٹ، شراواستی، جھانسی، ہنڈن، آج مرادآباد کے ایئرپورٹ کے کاموں کا معائنہ کیا گیا۔'
انہوں نے کہا کہ 'ریاست کے ان شہروں میں ایئر پورٹ تعمیر کیے جارہے ہیں تاکہ اترپردیش کے دارالحکومت کو لکھنؤ سے ڈویژنل ہیڈ کوارٹر کے ذریعے جوڑا جاسکے۔'