بارہ بنکی: کسان ہرے سونے سے مایوس

سال کے آغاز میں ہی شدید بارش اور ژالہ باری اور پھر لاک ڈاؤن سے ٹوٹ چکے کسانوں کو ہرا سونا کہلانے مینتھال کی فصل سے کافی امیدیں وابستہ تھیں۔

ریاست اتر پردیش کے ضلع بارہ بنکی میں ہرا سونا مانی جانے والی مینتھال کی فصل سے کسان مایوس ہو گئے ہیں۔ چونکہ سال کے آغاز میں بے موسم بارش اور ژالہ باری اور لاک ڈاؤن سے ٹوٹ چکے کسانوں کو مینتھال کی فصل سے کافی امیدیں تھیں لیکن اب بدلتے موسم کے سبب مینتھال کی فصل برباد ہوتی جا رہی ہے۔

مینتھال اگانے والے کسانوں کی پریشانی جاننے کے لیے ای ٹی وی بھارت کے نمائندے نے ضلع کے زیدپور روڈ پر واقع انامی پور کٹرہ اور جرہرہ گاؤں کا دورہ کیا۔

علاقے کے کسانوں نے بتایا کہ مسلسل بارش سے کم و بیش یہی صورت حال تمام مینتھال کسانوں کی ہے، مینتھال کے درخت سے تیل نکالنے کے بعد اسے سکھا کر ایندھن تیار کیا جاتا ہے، بارش کی وجہ سے مینتھال کی پرائی بھی نہیں نکل رہی ہے، کیونکہ مسلسل بارش سے ایندھن سوکھ نہیں رہا ہے۔

کسانوں کے مطابق مینتھال کی فصل 70 سے 80 فیصد تک متاثر ہوئی ہے۔ ان کے مطابق پہلے ایک بیگھے سے 10 سے 12 لیٹر تیل نکلتا تھا لیکن اب 2 یا 3 لیٹر تیل ہی نکل رہا ہے۔

غور طلب ہے کہ مینتھال فصل ربیع اور خریف کے درمیان لگائی جانے والی نقدی کی فصل ہے اس میں لاگت کے ساتھ کسانوں کو محنت بھی کافی کرنی پڑتی ہے کیونکہ اس میں منافع کی شرح اتنی زیادہ ہوتی ہے کسان اس کے سہارے اپنے بچوں کی شادیوں تک کے خرچے پورہ کرلیتے ہیں۔

حیران کن بات یہ ہے کہ اتنی اہم فصل ہونے کے باوجود اسے کاشت کا درجہ حاصل نہیں ہے جس سے مینتھال کسانوں کو اتنی پریشانی کے باوجود کوئی حکومتی امداد نہیں مل پاتی، یہی وجہ ہے کہ رواں برس کسان ہرے سونے سے مایوس ضرور ہوں گے۔