کووڈ 19 کی دوسری لہر میں بحران کے دوران ضروری دواؤں اور عالات کی زخیرہ اندوزی، کالابازاری اور اضافی قیمتوں پر فروخت ہونے کی شکایت عام ہو گئی ہے جس کی وجہ سے عام لوگوں کو پریشانی تو ہو ہی رہی تھی ساتھ ہی انتظامیہ کے کام کرنے کے عمل پر بھی سوالیہ نشان لگ رہے تھے۔
اسی کے پیش نظر ہفتے کو اے ڈی ایم سندیپ کمار گپتا کی قیادت میں فوڈ اینڈ ڈرگ ایڈمنسٹریشن کی ٹیم نے پہلے دواؤں کی تھوک بازار میں چھاپے ماری کی اور اس کے بعد کھدرا دکانوں پر جاکر دواؤں کا اسٹاک چیک کیا۔ اس کے علاوہ تمام ضروری پوچھ گچھ بھی کی۔
اے ڈی ایم سندیپ کمار گپتا نے بتایا کہ زیادہ تر دکانوں پر کوئی کمی نہیں ملی ہے۔ زیادہ تر دکانیں ایم آر پی کے مطابق ہی دوائیں فروخت کر رہی ہیں۔ انہوں نے بتایا کہ کچھ جگہوں پر چائینیز پلس آکسیمیٹر ملے ہیں۔ ان کے خلاف قانونی کارروائی کی جائے گی۔
