مایاوتی نے کہا کہ دیگر ریاستوں کی حکومتیں ان مہاجر مزدوروں کی کوئی مدد نہیں کر رہی ہے جس کے سبب انہیں ہجرت کی کرنی پڑ رہی ہے اور یہ بے حد افسوسناک بات ہے۔
انہوں نے کہا کہ اس معاملے میں ریاستی و مرکزی حکومتوں کو یہ ذمہ داری ہے کہ ان مزدوروں کو ان کے گھر پہنچانے کا انتظام کرے۔
مایاوتی نے کہا کہ میں بار بار مزدوروں کے مسئلے کو اٹھا رہی ہوں۔ میں یہ کہہ رہی ہوں کہ جب مزدور اپنے آبائی ریاست جانا چاہتے ہیں تو انہیں بھیجنا چاہئے۔ مرکزی اور ریاستی حکومتیں یہ کہہ رہی ہیں کہ وہ مزدوروں کو ان کے گھر بھیجنے کے انتظامات کرا رہی ہیں۔
حکومت کے وہ سارے وعدے کھل کر سامنے آرہے ہیں جنہیں بآسانی دیکھ کر سمجھا جا سکتا ہے کہ وہ انتظامات کیا ہیں۔ وہ مزدور جو مہینوں سے بے روزگار ہیں کھانے پینے کے کے لیے جن کے پاس پیسے نہیں ان مزدوروں سے کرایے تک کے پیسے لیے جارہے ہیں۔ بی ایس پی صدر کا کہنا ہے کہ جب یہ مزدور بے روزگار ہوگئے ہیں تو ان کے پاس پیسہ کہاں سے آئے گا۔
تمام تر معاشی ذرائع رک گئے ہیں زندگی دن بدن دو بھر ہوئی جا رہی ہے ایسے میں مزدوروں کے ساتھ ہمدردی کے بجائے ان سے کرایے کے نام پر پیسے لیے جارہے ہیں یقینا یہ بے حد شرمناک اور قابل افسوس ہے۔