بہوجن سماج پارٹی کے صدر مایاوتی کی سالگرہ پر بارہ بنکی میں پارٹی کارکنان نے سال نو پر پہلی بار اپنی طاقت کا مظاہرہ کیا۔
خراب موسم کے باوجود دور دراز سے ہزاروں کی تعداد میں بی ایس پی کارکنان اور حامی شہر نے نگر پالیکا کے میدان میں منعقد تقریب میں پہونچے اور جوش و خروش سے مایاوتی کی سالگرہ منائی۔
نگر پالیکا کے میدان میں صبح سے ہی بی ایس پی کارکنان پہنچنے شروع ہوئے۔ اس کے بعد سالگرہ کی تقریب منعقد کی گئی۔ تقریب سے خطاب کرتے ہوئے محمان خصوصی فیض آباد کے زونل انچارج پون گوتم نے سی اے اے اور تمام مسائل کو لےکر مرکزی اور ریاستی حکومت کی شدید تنقید کی۔
مزید پڑھیں: اندور: سی اے اے، این آر سی اور این پی آر کے خلاف مظاہرے جاری
انہوں نے واضح طور پر کہا کہ دونوں حکومتیں ہندو اور مسلمان کے درمیان تفریق ڈالنے کا کام کر رہی ہیں۔ انہوں آگاہ کیا کہ سی اے اے سے صرف مسلمانوں کو نقصان نہیں ہوگا، بلکہ اس سے زیادہ نقصان دلت طبقے کے افراد کا ہوگا، تقریب کے بعد کیک کاٹا گیا اور لوگوں نے ایک دوسرے کو کیک کھلا کر خوشی کا اظہار کیا۔
