لکھنؤ: خاتون مظاہرین کو گالی دینے والا شخص پولیس حراست میں

دارالحکومت لکھنؤ کے گھنٹہ گھر میں شہریت ترمیمی قانون این آر سی اور این پی آر کے خلاف احتجاجی مظاہرے جاری ہیں۔ اسی بیچ شام ایک مشکوک شخص خاتوں مظاہرین کے درمیان کھس کرگالیاں دینے لگا جسے پولیس کے حوالے کیا گیا۔

لکھنئو کے گھنٹہ گھر میں شہریت ترمیمی قانون این آر سی اور این پی آر کے خلاف ہورہے مظاہرے کو ختم کرانے اور اسے بد نام کرنے کی مسلسل کوشش کی گئی جو بارہا ناکام ثابت ہوئی ہیں۔

اطلاع کے مطابق دھرنے کے مقام پر خاتون مظاہرین کے درمیان ایک مشکوک شخص کے پائے جانے اور بھدی گالیاں دینے کے سبب خواتین نے اسے پولیس کے حوالے کردیا۔

پولیس نے مشکوک شخص کو حراست میں لے لیاہے جس سے ابھی پوچھ تاچھ چل رہی ہے، لیکن ابھی یہ ثابت نہیں ہو پایا کہ وہ نوجوان کون ہے، اس کا نام کیا ہے اور خاتون مظاہرین کو گالیاں دینے کا مقصدکیا تھا؟